Кәсіби бағдар

         Кәсіби бағдар беру бойынша  әскери оқу орнына ниет білдіріп отырған 8,9,10,11 сынып оқушыларымен  БӘТД пәнінің оқытушы-ұйымдастырушысы Ф.Б.Айманбетова мен кәсіптік бағдар беруші педагог А.С.Топашева өз Отанының адал патриоты болуға, еліне деген сүйіспеншілікке тәрбиелеу, мамандық таңдау туралы шешім қабылдауға қолдау көрсету мақсатында түсіндіру жұмыстарын жүргізді. 

        Мектебіміздің түлегі «Арыстан» мамандырылған лицейінің оқушысы Р.Н.Советханмен кездесу ұйымдастырылды. Лицей туралы мәлімет беріліп, әскери өмірдің қызықтары мен қиындықтары туралы айтып өтті. Кандидаттарды іріктеу кезеңдерімен таныстырды. 

        Оқушыларға әскери оқу орындары туралы видео көрсетіліп, мамандықтар туралы мағлұмат берілді. Әскери оқу орнына түсетін оқушылар «Мен болашақ офицермін», «Кім болғым келеді?» тақырыптары бойынша кластер жасап, өз ойларымен бөлісті. 

Бүгінгі жастар отанымыздың келешегі, сондықтан олармен санасу, пікірін тыңдау, қоғамға белсене араласуына көмектесуіміз қажет болып саналады.