"Мектебім-мейірім мекені"

Амангелді атындағы орта мектебінде "Мектебім - мейірім мекені" тақырыбында Білім күніне орай салтанатты жиын өтті. Жиынға Алға ауылының әкім Есбергенов Бағдат Сабырұлы мен ардагер ұстаздар қатысты. Алғашқы құттықтау сөзі мектеп директоры Қалдыгул Мұхтарханқызы Бабасоваға беріліп, келген ата-аналар мен оқушыларды, мектеп ұстаздарын Білім күнімен құттықтады. Мектептің жеткен жетістіктері мен табыстары, атқарылған жұмыстары туралы қысқаша баяндап, жоғары нәтижеге жетуіне қолдау білдірген барша ата-аналар мен ұстаздарға алғыс айтты.Мектеп табалдырығын алғаш аттап отырған 1-ші сынып оқушылары тақпақтарын айтса, екі бүлдіршін "Оқуда озат боламын" атты әндерімен жұрттың қошеметіне бөленді.  Алғашқы қоңырау соғу рәсімін мектебіміздің 11 сынып оқушылары мен жас бүлдіршіндері алаңды айнала сылдырлатып, барша қонақтарға жақсы көңіл күй сыйлады.
#Bilim_guni#